Transcription
1
Reçue à Grenoble, le 06 mars 1573.
2
Monsieur, encores que je masseure bien que soiez adverti de plusieurs
3
endroictz que ceulx de la nouvelle oppinion font preparatifz pour se
4volloir dans quelque temps assembler sellon [barré : une ] plusieurs advis
5
que lon en a du cousté de deça, quest la cause, monsieur, que je
6
n’ay volleu faillir, comme votre très humble serviteur, vous envoyer ce
7
pourteur exprez pour vous en donner advis. Et mesmement, jay sceu de
8
bonne part quilz se font forts de se saisir du Buys, de Nyons, et de
9
Mirabel, pour des inteligences quilz ont dedans, et mesmes de ce lieu
10
icy qui ne leur sera mal aisé pour estre la pluspart de la religion.
11
Monsieur, je vous ay bien volleu parler de ce lieu icy pour m’appartenyr
12
en partie comme il faict, encores quil ne soit pas de grand efficace
13
silz estoint les maitres, ilz doneroint beaucoup de peine ; quest locasion
14
monsieur vous supplieray me commander comme il vous plait que
15
jen use, car en cella et en toute autre chose, je desire recepvoir
16
voz commandemens pour iceulx execuquater [sic] daussi bonne vollanté
17
que je prieray à Dieu vous donner,
18
monsieur, en très parfaicte santé, très heureuse et longue vye.
19
De Vinssobres, ce XXVIIe feuvrier.
20
Votre très humble et plus hobeissant serviteur
21
La Laupie